Le poesie del maestro Evaristo
A ‘NA VECCHIA PIRTICARE
di Evaristo Sparvieri
Vicine a nu mure rott’e antiche,
di ‘na massarije abbandunate,
‘mmezz’a ‘na rocchie di rove e d’ardiche,
tu , vecchia pirticare, sti jttate.
Lu tempe t’ha cagnate di culore:
si divintate tutt’arruzzunite:
e queste, è picchè chiù nun lavore,
da quanda lu patrone t’ha tradite.
Ti passene vicine ‘ndifferente;
nisciune ti si degne di nu sguarde:
eppure si sfamate tanta gente,
e miritisse tante di ruguarde.
Quanta ni si’ sfirzate tu di terre!!!
Quanta ni si ‘ fatte tu di fatije!!!
Contra la miseria facivi guerre
pi dà a lu monne gioje e alligrije.
E mo, si’ rimaste abbandunate;
Ma nun ti li pija’: è lu distine
di chi, sopr’a stu monne scillirate,
fa bene e pi l’altre z’arruvine.
Stu monne è piene d’intiresse:
va scumparenne ogni gintilezze
Zi dice: “Mo è tempe di prugresse”.
Ma mo , ‘n siste chiù dilicatezze.
Quanda da te caccune vo’ ‘n aiute,
ti empie d’attinziune e cumplimente;
ma appene lu favore ha ricivute,
‘n ti vede chiù: passe e fa lu vente.
Pirticara me, lu monne quesse è.
Evaristo Sparvieri
San Salvo, Aprile 1975
Poesia vincitrice del 1° certame
regionale Città di San Salvo
