Le poesie del maestro Evaristo
L A R U E L L E
di Evaristo Sparvieri
Quand’arvaje abball’a la ruelle,
addo’ la citilanze so’ passate,
j’ m’ arsente ancore nu quatrarelle,
mmezz’a li carezze di Mamme e Tate.
T’arivede ancore chi lu lampione,
arruzzunite e mezze scunucchiate,
ch’alluminave, a sere, lu puntone,
do’ spesse si passave la sirate.
Parlanne di cose antiche e passate,
di li fatte successe a lu mumente,
di lu tempe passate pi suldate:
di certe capurale e di sargente.
Ci st’ancore la porte di Za’ Cole,
argimate sopr’a lu biancatelle:
addo’, fine a che calave lu sole,
girave lu fuse e lu ‘ntruvarelle.
Mi pare d’arsinti’ chi lu rumore,
com’ere allore, sempre tal’e quale,
che tuccanneme l’anim’e lu core,
di stu monne mi fa scurda’ lu male.
Lu halle cante ancore la matine,
l’asine arraje dentr’a la stalle;
pi la ruelle, gire la halline,
e nu quatrare joche nghi la palle.
A ‘na cavute, vicine a lu mure,
nu passarille cante spinzirate:
da dentr’a ‘na cantine, strett’e scure,
nu ddore ve’ di most’arichiarate.
Nu turciture vecchie sta pusate
a mezz’a lu munacce e a li muschije;
Mariucce a la finestre st’affacciate,
e du vase j fanne cumpagnije.
Du’ vase di gije e vasanicole,
di pitrisenne, aje e malverose,
di mintucce, ruquett’e di vijole:
ch’è tutte lu ciardine di Za' Rose.
Quant’è belle ancore sta ruelle,
addo’ lu tempe niente ha cagnate:
esse armane, pi me, la vi’ chiù belle:
di la citilanze… di lu passate.
San Salvo, 1978 - Evaristo Sparvieri
Poesia vincitrice premiata con medaglia d’oro
